ಕ್ಯಾರೆಟ್ ಜ್ಯೂಸ್ - ಕಣ್ಣಿಗೆ ಮಾತ್ರವಲ್ಲ, ಆರೋಗ್ಯಕ್ಕೂ ಉತ್ತಮ

ಕ್ಯಾರೆಟ್ ಜ್ಯೂಸ್ - ಕಣ್ಣಿಗೆ ಮಾತ್ರವಲ್ಲ, ಆರೋಗ್ಯಕ್ಕೂ ಉತ್ತಮ
Updated: Wed, Feb 24, 2016, 10:40 [IST]
Written by: manu

ಹಸಿಯಾಗಿ ತಿನ್ನಬಹುದಾದ ತರಕಾರಿಗಳಲ್ಲಿ ಕ್ಯಾರೆಟ್ ಅಥವಾ ಗಜ್ಜರಿಗೆ ಪ್ರಮುಖ ಸ್ಥಾನವಿದೆ. ಚಿಕ್ಕಂದಿನಲ್ಲಿ ನಮಗೆ ಬಲವಂತವಾಗಿ ಹಸಿ ಕ್ಯಾರೆಟ್ ತಿನ್ನಿಸಿದ್ದು ನೆನಪಿದ್ದರೆ ಇದರ ಪ್ರತಿ ಕೊಂಚ ಸೇಡು ತೀರಿಸಿಕೊಳ್ಳುವ ಮನೋಭಾವವಿರುತ್ತದೆ. ಏಕೆಂದರೆ ನಮಗೆಲ್ಲಾ ಹಸಿ ತರಕಾರಿ ತಿನ್ನುವುದು ಹಸುಗಳು ಎಂಬ ಭಾವನೆ ಬೇರೂರಿ ಬಿಟ್ಟಿದೆ. ಆದರೆ ಒಮ್ಮೆ ಈ ಹಸಿ ಕ್ಯಾರೆಟ್‌ನ ಉತ್ತಮ ಗುಣಗಳನ್ನು ಕಂಡುಕೊಂಡರೆ ಇಷ್ಟು ದಿನ ತಿನ್ನದೇ ಇದ್ದುದಕ್ಕಾಗಿ ಖಂಡಿತಾ ಪರಿತಪಿಸುವಿರಿ. ಸಮೃದ್ಧ ಪೋಷಕಾಂಶಗಳ ಆಗರ- ಕ್ಯಾರೆಟ ಜ್ಯೂಸ್

ಕ್ಯಾರೆಟ್ ನಲ್ಲಿ ವಿಟಮಿನ್ ಎ, ಸಿ. B1, B6, ಕೆ, ಇ,ಡಿ ಸಹಿತ ಹಲವಾರು ಪೋಷಕಾಂಶಗಳಿದ್ದು ಗಾಯಗಳನ್ನು ಶೀಘ್ರವಾಗಿ ಮಾಗಿಸುವ ಗುಣ ಹೊಂದಿದೆ. ಅಲ್ಲದೇ ಲೈಕೋಪಿನ್ (ಟೊಮೇಟೊದಲ್ಲಿರುವ ಕೆಂಪುಬಣ್ಣದ ಪೋಷಕಾಂಶ), ಲ್ಯೂಟಿನ್, ಕ್ಸಾಂಥ್ರೋಫಿಲ್, ಜಿಯಾಕ್ಸಾಂಥಿನ್ ಮೊದಲಾದ ಫೈಟೋನ್ಯೂಟ್ರಿಯೆಂಟುಗಳಿವೆ. ಇವೆಲ್ಲವೂ ಪ್ರತ್ಯೇಕವಾದ ವಾಸಿಮಾಡುವ ಗುಣವನ್ನು ಹೊಂದಿದ್ದು ಆರೋಗ್ಯವನ್ನು ವೃದ್ಧಿಸುತ್ತವೆ.

ಖನಿಜಗಳಾದ ಸೋಡಿಯಂ, ಫಾಸ್ಪರಸ್, ಮೆಗ್ನೀಶಿಯಂ, ಕ್ಯಾಲ್ಸಿಯಂ, ಪೊಟ್ಯಾಶಿಯಂ ಮತ್ತು ಬಟೋಟಿನ್ ಗಳೂ ಉತ್ತಮ ಪ್ರಮಾಣದಲ್ಲಿವೆ. ಒಂದು ವೇಳೆ ಪೊಟ್ಯಾಶಿಯಂ ಕೊರತೆಯಿದ್ದರೆ ನೇರವಾಗಿ ಕೆಲವು ಹಸಿ ಕ್ಯಾರೆಟ್ಟುಗಳನ್ನು ತಿನ್ನುವ ಮೂಲಕ ಈ ಕೊರತೆಯನ್ನು ನೀಗಿಸಬಹುದು. ವ್ಯತಿರಿಕ್ತವಾಗಿ ಒಂದು ವೇಳೆ ಮೂತ್ರಪಿಂಡದ ತೊಂದರೆ ಇರುವ ರೋಗಿಗಳಿಗೆ ಪೊಟ್ಯಾಶಿಯಂ ಸೇವಿಸಬಾರದು ಎಂದಿದ್ದರೆ ಕ್ಯಾರೆಟ್ ಸೇವನೆ ಅವರಿಗೆ ಹಿತವಲ್ಲ! ಸ್ಕಿನ್ ಕೇರ್ ಮಾಡುವುದು ಈ ಕ್ಯಾರೆಟ್ ಜ್ಯೂಸ್

ಕ್ಯಾರೆಟ್‌ಗೆ ಕೇಸರಿ ಬಣ್ಣ ಬರಲು ಕೆರೋಟೀನ್ ಎಂಬ ಆಂಟಿ ಆಕ್ಸಿಡೆಂಟು ಕಾರಣವಾಗಿದ್ದು ದೇಹದ ರೋಗ ನಿರೋಧಕ ಶಕ್ತಿ ಮತ್ತು ಗಾಯಗಳನ್ನು ಮಾಗಿಸುವ ಶಕ್ತಿಯನ್ನು ಹೆಚ್ಚಿಸುತ್ತದೆ. ಪ್ರತಿದಿನ ಒಂದು ಲೋಟ ಕ್ಯಾರೆಟ್ ಜ್ಯೂಸ್ ಕುಡಿಯುವ ಮೂಲಕ ಹಲವಾರು ರೋಗಗಳಿಂದ ದೂರವಿರಬಹುದು. ಆದರೆ ಇದರಲ್ಲಿ ಸಕ್ಕರೆಯ ಅಂಶವೂ ಹೆಚ್ಚಿರುವ ಕಾರಣ ಮಧುಮೇಹಿಗಳು ತಮ್ಮ ವೈದ್ಯರ ಸಲಹೆಯ ಮೇರೆಗೆ ಮಾತ್ರ ಸೇವಿಸಬಹುದು. ಬನ್ನಿ ಇದರ ಗುಣಗಳನ್ನು ಕೆಳಗಿನ ಸ್ಲೈಡ್ ಶೋ ಮೂಲಕ ನೋಡೋಣ...
http://kannada.boldsky.com/health/wellness/2016/what-happens-when-you-drink-carrot-juice-011426.html

posted from Bloggeroid