ಸಿಗರೇಟು ಬಿಟ್ಟ ಬಳಿಕ, ಆರೋಗ್ಯ ಹೇಗಿರುತ್ತೆ ನೋಡಿ

ಸಿಗರೇಟು ಬಿಟ್ಟ ಬಳಿಕ, ಆರೋಗ್ಯ ಹೇಗಿರುತ್ತೆ ನೋಡಿ
Updated: Wed, Nov 25, 2015, 10:32 [IST]
"ಧೂಮಪಾನ ಬಿಡುವುದು ಬಹಳ ಸುಲಭ ರಾಯರೇ, ಎಷ್ಟೋ ಸಲ ನಾನೇ ಬಿಟ್ಟಿದ್ದೀನಿ" ಇದು ಬೀಚಿಯವರ ಒಂದು ನಗೆಹನಿ. ಧೂಮಪಾನ ಒಂದು ವ್ಯಸನ. ಇದನ್ನು ಬಿಡುವುದು ಅಷ್ಟು ಸುಲಭವಲ್ಲ. ಅಲ್ಲದೇ ಇದನ್ನು ಒಮ್ಮೆಲೇ ಬಿಡಲೂ ಬಾರದು. 'ಧೂಮಪಾನ ಬಿಟ್ಟು ಬಿಡಿ'-ಇದು ಪ್ರತಿ ಧೂಮಪಾನಿಗೂ ಅವರ ಆಪ್ತರು, ಹಿತೈಷಿಗಳು, ಹಿರಿಯರು, ಗುರುಗಳು ಮತ್ತು ಅಭಿಮಾನಿಗಳು ಹೇಳುವ ಸಲಹೆ. ಆದರೆ ವೈದ್ಯರು ಮಾತ್ರ ಒಂದೇ ಪದದಲ್ಲಿ 'ಸಿಗರೇಟು ಬಿಡಿ' ಎಂದು ಅಜ್ಞಾಪಿಸುವುದಿಲ್ಲ! ಏಕೆಂದರೆ ಇದು ಸಾಧ್ಯವಲ್ಲದ ಮಾತು. ಏಕೆಂದರೆ ಹಲವು ವರ್ಷಗಳ ಧೂಮಸೇವನೆಯಿಂದ ಧೂಮಪಾನಿಯ ದೇಹ ಮತ್ತು ಮನಸ್ಸು ಇದಕ್ಕೆ ಒಗ್ಗಿಕೊಂಡಿದ್ದು ಇದರಿಂದ ಥಟ್ಟನೇ ಹೊರಬರುವುದು ಅಪಾಯಕಾರಿಯಾಗಿದೆ. ವೈದ್ಯರು ಈ ಸ್ಥಿತಿಯನ್ನು "dependence" ಎಂದು ಕರೆಯುತ್ತಾರೆ.

ಧೂಮಪಾನ ವ್ಯಸನವಾದರೂ, ಇದರಿಂದ ಹೊರಬರಲು ಕೇವಲ ಧೂಮಪಾನಿಯ ಧೃಡಸಂಕಲ್ಪಕ್ಕೆ ಮಾತ್ರ ಸಾಧ್ಯ. ಅಂತೆಯೇ ಒಮ್ಮೆ ಧೂಮಪಾನಿ ಇದರಿಂದ ಹೊರಬರಲು ದೃಢಸಂಕಲ್ಪ ಮತ್ತು ದೃಢನಿಶ್ಚಯ ಹೊಂದಿದ ಬಳಿಕ ವೈದ್ಯರಿಗೆ ಮುಂದಿನ ಕೆಲಸ ಸುಲಭವಾಗುತ್ತದೆ. ಏಕೆಂದರೆ ಧೂಮಪಾನವನ್ನು ಒಮ್ಮೆಲೇ ಬಿಟ್ಟರೆ ದೇಹ ಹಲವು ಪ್ರಕೋಪಗಳನ್ನು ವ್ಯಕ್ತಪಡಿಸುತ್ತದೆ. ಇದಕ್ಕೆ ವೈದ್ಯರು withdrawal symptoms ಎಂದು ಕರೆಯುತ್ತಾರೆ. ಸಿಗರೇಟಿಲ್ಲದೇ ಬದುಕಲಾರೆ ಎಂಬಂತೆ ವರ್ತಿಸುವುದು, ಅತೀವ ತಲೆನೋವು, ವಾಂತಿ, ಎದೆಯಲ್ಲಿ ನೋವು, ಮೈಯೆಲ್ಲಾ ಬೆವರುವಿಕೆ, ರಕ್ತದ ಒತ್ತಡದಲ್ಲಿ ಅತೀವವಾದ ಏರುಪೇರು, ವಿಪರೀತ ಸುಸ್ತು, ಧ್ವನಿಪೆಟ್ಟಿಗೆ ದುರ್ಬಲವಾಗಿ ಧ್ವನಿಯೇ ಹೊರಬರದಂತಾಗುವುದು, ಸತತ ಕೆಮ್ಮು ಇತ್ಯಾದಿಗಳು ಇದರ ಲಕ್ಷಣಗಳಾಗಿವೆ. ನೈಸರ್ಗಿಕವಾಗಿ ಧೂಮಪಾನವನ್ನು ತ್ಯಜಿಸುವ ಸರಳ ವಿಧಾನಗಳು

ಇದನ್ನು ತಡೆಯಲು ದೇಹ ಮತ್ತು ಮನಸ್ಸನ್ನು ನಿಧಾನವಾಗಿ ಇದರಿಂದ ಹೊರಬರುವಂತೆ ಮಾಡಬೇಕು. ಅಂದರೆ ನಿತ್ಯ ಸೇದುವ ಪ್ರಮಾಣವನ್ನು ನಿಧಾನವಾಗಿ ತಗ್ಗಿಸುತ್ತಾ, ಎರಡು ಸಿಗರೇಟುಗಳ ನಡುವಣ ಅಂತರವನ್ನು ಹೆಚ್ಚಿಸುತ್ತಾ ನಿಧಾನವಾಗಿ ದೇಹ ಮತ್ತು ಮನಸ್ಸನ್ನು ಇದರಿಂದ ಹೊರಬರುವಂತೆ ಓಲೈಸಿಕೊಳ್ಳಬೇಕು. ಬನ್ನಿ ಧೂಮಪಾನ ಬಿಟ್ಟ ಬಳಿಕ ಏನೇನಾಗುತ್ತದೆ ಎಂಬುದನ್ನು ಕೆಳಗಿನ ಸ್ಲೈಡ್ ಶೋ ಮೂಲಕ ನೋಡೋಣ:
http://kannada.boldsky.com/health/wellness/2015/what-happens-your-body-when-you-stop-smoking-010755.html

posted from Bloggeroid